Amaphoyisa ase Majuba abuyisa ithemba emndenini wakwa Nhlapho ohlala eBlaaubosch, Ndlovu Stand nokuwumndeni onamalunga awu-13 ohlala emkhukhwini.
uGeneral Alexander namhlanje mhlaka 31 March 2025 usibizele ukuthi siyobona indlu engamakamelo amathathu, ikhishi kanye nendawo yokuhlala abayakhela lomndeni bebambisene ne CPF kanye nabanye abaxhasi. Esifike sakubona kulo mndeni ukuthi isimo sempilo sinzima kakhulu njengoba umama Nhlapho ehlala nezingane ezingu-12 kulomjondolo ongu 2 room. Okunye okucacile ukuthi indawo bakhe kuyo imanzi kakhulu njengoba amanzi kade ebonakala egeleza egcekeni.
Esichazela u Ziningi Kunene ongu Sihlalo we CPF Osizweni usitshele ukuthi baziswa abafana bendawo mayelana ngesimo salomndeni base bevakashela khona, bafike bazibonela nabo isimo umndeni ophila kuso nokuyilapho base becela ku Khomishana Wamaphoyisa eMajuba ukuthi lomndeni ufakwe ohlwini lwemindeni okumele ilekelwe. uGeneral Alexander yena utuse iqhaza elidlalwa umphakathi njengoba umuzi wakhiwa amavolontiya angatholi ngisho isenti kanti njengamanje udonga sekusele olayini abambalwa ukuthi luphele. uGeneral ubuye waveza ukuthi umsebenzi wamaphoyisa akusikho ukuthi abophe kuphela kodwa kumele abuye abheke nezimo sokuhlala kwabantu bese elekelela lapho engasiza khona.
Umama Nhlapho ucishe wasikhihla isililo echaza lapho aphuma khona nempilo njengoba ethi inzima kakhulu impilo kodwa sekulokoza ithemba njengoba eyibona indlu ikhuphuka nokuzokwenza ahlale kangcono nezingane zikhulele endaweni enesithunzi. Ubuye wabonga naku Ndlovu ngokumupha lendawo ahleli kuyo waveza ukuthi bahleli kahle kakhulu alikho elibi. uGeneral Alexander uphinde washiyela umama Nhlapho udilinki ka R1000 ukuze ezosala ephuza nezingane.
