Bekuwusuku olugcwele injabulo izolo mhlaka 23 December 2024 ebandleni Cottonlands Restoration Centre eliholwa uPastor BS Hlophe ngenkathi abokufika base Ethiopia abanezitolo abangaphansi kwebandla elaziwa nge World Light Church eliholwa uMr Daniels owuSihlalo webhodi kuleli bandla. Ngokusho kwabo lomnikelo okade kungama food parcel adluliselwe emindeni engu 150 bawenza minyaka yonke ngoba bekholelwa ekutheni kubalulekile banikelele umphakathi abawudayiselayo ukukhombisa ukujabula nokubonga ngokwesekwa abakuthola ku lemiphakathi kwazise yiyo ethenga ezitolo zabo.
Kubantu ababe senhlanhleni yokuthola umnikelo kube imizi ephethwe yizingane, abantu abadala kanye nabasha abaqhamuka emizini engathathi entweni. Lomcimbi ubuye wahanjelwa nawu Cllr Fakazi Mdletshe odlulise okukhulu ukubongela amalunga omphakathi nebandla athole lomnikelo ophuma kwabase Topiya njengoba sekusondele isikhathi sikakhisimusi nokuyilapho kudluliselwa khona izipho.
UMfundisi BS Hlophe naye ubonge kakhulu ku lenhlangano esize amalunga ebandla ngokudla kulesikhathi esibucayi kangaka sonyaka wathi kubalulekile ukusebenzisana phakathi kwebandla nosomabhizinisi abakhele umphakathi ngoba bayadingana.
