Abuye nendondo ka nombolo 1 kuma National Excellence Awards amaphoyisa ase Newcastle aphenya amacala abucayi.
Amaphoyisa ase Newcastle asalokhu ekhombisile ukuthi mkhulu umsebenzi awenzayo ukulwa nobugebengu yize abanye beyaye bakhale ngamaphoyisa kwezinye iziteshi njengoba beyaye bethi azisukunyelwa izikhalo zawo.
Amaphoyisa ase Newcastle ngaphansi kwesifunda Amajuba ophikweni lwe Stabilisation and Tracing abuye nendondo ngaphansi komkhakha we Operations Team of the Year nokuyilapho kade emele isifundazwe SA KwaZulu-Natal. Lamaphoyisa aholwa uLieutenant Colonel N. L Dlamini ngokukhulu ukuzinikela kanti yithimba elimalunga awu 11 elibhekene namacala abucayi esifundeni Amajuba.
uLt Colonel Dlamini nethimba lakhe ababophi bagila umhlola njengoba bebophe abasolwa abangu 1279 nokusho ukukhula kwezibalo ngo 59 % makuqhathaniswa no 2023 kanti bathole impahla elahlekile engabiza R510 867 base benciphisa nobugebengu emphakathini.
Babhekene namacala abucayi angu 33 besebenzisa nama Community Policing Forum nokuyizinhlaka ezenza umsebenzi Wamaphoyisa kubelula kwazise zisemphakathini. Lokusebenza ngokuzikhandla kwabo kwenze kwabuya ithemba emphakathini ngokusebenza kombutho wezokuphepha. Sithi nje baqhubekele phambili ngokubeka isifunda sase Majuba ebalazweni ngomsebenzi wabo omuhle.
#SAPS #ExcellenceAwards #ServiceExcellence #litradionews
