Kwenzeke isehlakalo esishaqisayo laphaya eJobstown kuward 6 ngaphansi kuka Cllr Mbongeni Hlatshwayo njengoba uMnumzane Mkhohliswa Majola oneminyaka engu 29 osesithombeni sokuqala kade eyodoba laphaya edamini lase Jobstown ngoLwesine mhlaka 9/01/2024.
Ilunga lomndeni esixoxe nalo uMbongeni Majola usitshele ukuthi umufi wayehamba nezingane ezincane ezisafunda amabanga aphansi. Wathi mayeqeda ukudoba wayesebukuda kanti uzobe esekwaliza washona. Isidumbu sakhe sikhishwe abatshuzi izolo ngoLwesihlanu kanti ushiye emhlabeni ingane eyodwa eneminyaka eyisikhombisa ubudala. Umndeni uveze ukuthi uMkhohliswa bekade eqashe eJobstown njengoba esebenza la eNewcastle kanti kubo kuse Msinga.
Umndeni uhlangene namhlanje eMsinga ukuze uqale izinhlelo zokumfihla, uCllr Hlatshwayo udlulise amazwi okudabuka nokuzwelana nomndeni ngalesigameko. Sengathi angaphumula ngokuthula uMkhohliswa nomndeni ududuzeke🕊️🕊️
