Kuboshwe abalisa abane ngoMsombuluko mhlaka 02 December mayelana nokubulawa kuka Constable Siyabonga Zama Prince Thango ecaleni elenzeka ngomhlaka 23 July 2023.
UHloniphani Cebolenkosi Nala (28), Tshepo Hopewell Langa (28), Nduduzo Xaba (27), no Mnelisi Nkosikhona Mbatha (28) kubikwa ukuthi babegqekeza esitolo sakwa Shoprite esidayisa utshwala eGoldspot Shopping Center, eVosloorus ntambama kwathi ngenkathi amaphoyisa engena endaweni yokupaka abasolwa base bevulela ngenhlamvu bebhekise emaphoyiseni kwadubuleka uConstable Thango washona.
Ngemva kophenyo lwamaphoyisa abasolwa baboshelwa icala lokubamba inkunzi base betholakala nesibhamu esingumjojantaba sohlobo lwe R5 ngenkathi beboshwa. Abasolwa babe sebebekwa amacala okubulala, ukubamba inkunzi namanye amacala kanti bavele kafushane enkantolo yase Vosloorus icala lahlehliselwa umhlaka 16 January 2025.
