Kuboshwe abasolwa ababili okubalwa kubo oneminyaka engu 23 kanye no 71 mayelana namacala okutholakala nezibhamu kanye nezinhlamvu ngenkathi amaphoyisa eqhuba umkhankaso wokulwa nobugebengu eKranskop nase Msinga.
uConstable Siyabonga Nkwanyana useqinisekise ukuthi amaphoyisa kade eqhuba imikhankaso yokulwa nobugebengu namhlanje ekuseni mhlaka 24 February 2025 nokuholele ekuboshweni kwalabasolwa. Esigamekweni sokuqala amaphoyisa ophiko Umzinyathi District Task Team abophe umlisa otholwe nezibhamu ezimbili ezincame eHlolwane kanti uphinde athinteke ecaleni lokubulawa kwabantu abane Kwanqulu eNquthu ngo October 2023. Ube eseboshelwa icala lokubulala kanye nokutholakala nezibhamu ezingekho emthethweni.
Esigamekweni sesibili uConstable Nkwanyana usilandisa ukuthi amaphoyisa ophiko lwe KZN Tactical Response Team abambe omunye umsolwa endaweni yase Mphise ngaphansi nokungaphoyisa asebenzela eKranskop. Umsolwa ube esetholakala nesibhamu esincane kanye nomjojantaba wokuzingela nezinhlamvu. Lezibhamu kubikwa ukuthi zizohlolwa ukuze kubonakale ukuthi akaze yini zisetshenziselwe ubugebengu. Abasolwa kulindeleke ukuthi bavele maduze enkantolo yase Msinga nase Kranskop.
