Umkhankaso Wamaphoyisa we Vala Mgodi obuqhutshwa amaphoyisa namhlanje ekuseni mhlaka 24 April 2025 uholele ekutheni kuboshwe abesilisa abayizelamani abatholakale nemijojantaba yezibhamu endaweni yas’ Embondwane-Waaihoek.
Lezelamani zisolakala ngokuthinteka ekubulaweni okuhlonene nemboni yamatekisi okwenzeke ndaweni yas’ Embondwane-Waaihoek nezindawo eziseduzane. Abasolwa batholakale ekhaya labo ngenkathi amaphoyisa esesha nokuyilapho umsolwa oneminyaka engu 49 etholakale nesibhamu sohlobo lwe AK 47, amakhasethe amabili kanye nezinhlamvu ezingu 70. Umfowabo oneminyaka engu 44 yena utholakale ne R4 kanye nezinhlamvu ezingu 35.
Lezelamani zibe seziboshelwa ukutholakala nezibhamu nezinhlamvu ngaphandle kwemvume. Uphenyo lwamaphoyisa luyaqhubeka ukuzama ukuthola ukuthi abathinteki yini kwamanye amacala enzeka kulesifundazwe. Abasolwa kulindeleke ukuthi bavele nkantolo yas’ Ezakheni kusasa mhlaka 25 April 2025.
