Kudutshulwe usomabhizinisi oneminyaka engu 52 enkabeni yedolobha iVerulam namhlanje ngoLwesibili ebusuku. Kubikwa ukuthi umnikazi wendawo yokucima ukoma bekade sebephuma nomsebenzi wakhe ngemva kokuvala.
Kube sekuqhamuka amadoda amabili eza ngakubona avulela ngenhlamvu ebhekisa kumshayeli wadubuleka isisu nengalo. Umsolwa ube esentshontsha laptop ye Dell kanye nemali ngaphambi kokubaleka endaweni yesigameko ngemoto yohlobo lwe VW Polo. Abezimo eziphuthumayo bathathe umshayeli obelimele bamhambisa esibhedlela kanti umsebenzi yena akazange alimale.
Endaweni yesigameko kutholakale amagobolondo ezinhlamvu zesibhamu i9mm amathathu akade esebenzile.
