uTsekeleke usola uDr Malinga ngokudla izimali zakhe azisebenzele kanzima ngo December
uMixon Tholi odume ngelika Tsekeleke kwazise unomzimba omkhulu kanti wazakhela udumo ngokudansa nokucula uthi useyazisola ukuthi kungani kade ewa evuka eziteji ngo December njengoba ethi akaze athole ngisho isenti elimnyama.
uTseke utshele iDaily Sun ukuthi yena ucule ezindaweni ezingaphezu kwezinhlanu kulamaholidi kodwa ayikho imali, akazi nokuthi imenenja yakhe beyibiza mali mangabe eyocula. Ngokusho kwakhe berojwa kuthiwe ungena ngo R2000 esteji kodwa naleyomali kwathiwa angeke ayinuke ngenkathi eseyifuna.
Uphinde akhale ngemali ewu R100 000 athi wanikelelwa yona umsamariya kodwa ayifikanga kwezakhe izandla. Eqhubeka uthi yena uzoyeka ukucula noma athole enyimenenja ngoba ukhathele ukuxhoshwa ebhekile. uMalinga owaduma ngokuthi akulakeki makunemali uzichithele lezinsolo wathi yena ayekwenza ukusiza uTsekeleke ngoba ebona isimo sakhe. Emalini engu 100 K uveze ukuthi leyomali wathatha u R10 000 wanika uTsekeleke wathatha omunye u 10 K wanika umama ka Tsekeleke enye wase elungisa ngayo indlu wathenga nefenisha. Ezeseka uthe zikhona neziliphi ezingubufakazi ukuthi akadlanga Mali yamuntu yena.
Yize kunjalo kodwa uTsekeleke usola uDr Malinga ngokumenza inyoni enyamasi nokwenze uLingas wagcina ethenga iBMW entsha ceke.
