Baphume ngobuningi babo abazali, othisha kanye nosingaye (abafundi) kwazise kade kunomcimbi Amajuba District Matric Excellence Awards eBlue Ridge Crystal ngoLwesibili mhlaka 18 February 2025 nobuhlelwe umasipala wesiFunda Amajuba ngokubambisana nabaxhasi okuyi Nyatee Foundation, Maxprof kanye nabanye abaxhasi.
IMeya eyibamba uCllr Thembelihle Mthembu income abafundi abasebenze kanzima ukuze baphumelele yize kade kunezingqinamba okubalwa kuzo igangsterism ebihlasele nobekuphoqa ukuthi ezokuphepha ziqine ezikoleni njengoba kwesinye isigameko izimeya zaze zayoqada ezikoleni ezise Madadeni. Uphinde wabonga umnyango Wezemfundo ngokusebenzisana okuhle ngazozonke izikhathi kanti azange asale ngaphandle ama Community Policing Forum njengoba kade efaka isandla ekuqinisekiseni ukuphepha ezikoleni.
uMvelase ubuye wakhumbuza abafundi ukuthi imfundo iwukhiye kubantu abasha ngakho kubalulekile ukuthi balekelelwe ukuze baphumelele. uMnumzane Teddy Nyathi we Nyatee Foundation uhambe ezinyathelweni zika Cllr Mthembu njengoba eqale wabonga iMeya ngokubavumela ukuthi babe yingxenye yalomcimbi njengoba imfundo ibaluleke kakhulu kwi foundation yakhe. Ube esememezela ukuthi ziningi izinhlelo abanazo zokuthuthukisa umphakathi njenge foundation kodwa bayafisa kubhekwe nesizathu esenze abanye abafundi bangaphumeleli ukuze nabo babe nekusasa eliqhakazile.
Ngemva kwaleyo nkulumo ube esememezela ukuthi bazoxhasa uMnyango Wezemfundo ngo R600 000 esifundeni Amajuba ukuze kulekelelwe izikole ezingazange zenze kahle ku matikuletsheni nganoma yiluphi usizo eziludingayo. uMnumzane Nyathi ube esevula izandla kwi Meya wathi lesi yisiqalo kuningi abasafisa ukukwenzela isifunda Amajuba. Abafundi abaphase ngamalengiso bahambe beyikazela imiklomelo njengoba bethole izinto okubalwa kuzo isheke lika R10 000, igilosa ka R1500, ama journal, i-usb kanti abakwa Stucky Motors batetemukise abafundi nabazali ngezimoto zabo eziwubutsetse.
Umcimbi wokuhalalisela abafundi esifundeni Amajuba ube senhlanhleni yokuthi Inkosi Mzamo Buthelezi ongu Ngqongqoshe kade ewuthamele bukhoma ku zoom kanti ubuye wethula inkulumo lapho kade ekhuthaza abafundi.Okunye okwenze lomcimbi waba sematheni ukuhanjelwa Abantwana base Ndlunkulu okungu Mntwana uPhumuzuzulu no Mntwana uNhlanganiso Zulu okhuthaze amadoda ukuthi awakhuleke ukuze ezothola ubuhlakani enkosini.
IMeya ibuye yasebenzisa lomcimbi ukuhlonipha bonke labo abenza umehluko emphakathini owakhele isifunda Amajuba.
