Imibiko yakamuva iveza ukuthi usule isigubhukane uNjinji Magwaza okade ewumsakazi wohlelo lwe Top 20 emsakazweni Ukhozi FM.
Kuzokhumbuleka ukuthi sekuyinsakavukela ukusula kwabantu kulomsakazo njengoba ezinyangeni ezedlule kusule uPearl Maseko obephethe izinhlelo owayekhala ngesikhulu esenza kubenzima ukusebenza, kwaphinde kwasuka uSbongi Ngcobo obengu Mphathisiteshi nokade kunezikhalazo ngendlela aphethe ngayo lomsakazo. uNjinji yena kubikwa ukuthi incwadi yokwesula uyifake ngoMsombuluko mhlaka 23 December 2024 kanti isinqumo sakhe sithuse abaningi kwazise usebe yingxenye yalomsakazo iminyaka ecela eshumini.
Ngokwemibiko emgaqinisekisiwe kubikwa ukuthi kade kukhona uphenyo okade seluqaliwe mayelana naye nokusolwa ukuthi yikho okumenze washiya phansi. uNjinji uphinde wasebenza njenge Technical Producer ezinhlelweni eziningi zalomsakazo okubalwa kuzo iVuka Mzansi Breakfast Show kanye nohlelo iJabulujule ukubala ezinye Izinhlelo. Uphinde wazakhela udumo ngokwenza izikhangiso ngephimbo lakhe elibhodlayo.
