Inkantolo yesiFunda yase Newcastle igwebe uLucky Zwane oneminyaka engu 46 iminyaka engu 15 ebhadla ejele ngemva kokulahlwa icala lokudlwengula owesifazane owayeneminyaka engu 27 ngonyaka ka 2011 endaweni yas’ Eziqhazeni eNquthu.
Imantshi yase Dundee yathola umsolwa enecala ngo 2012 kodwa uZwane wangafiki enkantolo ngelanga lokugwetshwa nokwaholela ekutheni kuze kwenziwe incwadi egunyaza ukuboshwa kwakhe. Amaphoyisa abe esethola ithiphu ngo September 2024 eyayiveza ukuthi ubonakale eNewcastle. Amaphoyisa ophiko lwe Dundee Family Violence, Child Protection and Sexual Violence Offence Unit abe esenikela khona ambamba uMangethe.
Ube esevela enkantolo yase Newcastle ngoLwesine mhlaka 6 March 2025 bafike bamnika intoyakhe encane nje okuyiminyaka engu 15 azoyidonsa ejele ngecala lokudlwengula. Lokhu kucacisa ngokusobala ukuthi icala aliboli, noma ungabaleka uzephule yinde ingalo yomthetho.
